Ao mellor algún de vós coñecedes unha expresión moi famosa que di que “hai un galego na lúa”. Pois ben, de momento, isto non se pode entender no sentido literal; a frase refírese a que hai galegos e galegas en todas as partes do mundo coñecido pois, como sabemos, a emigración fixo que dende hai moitísimo tempo o pobo galego tivese que saír da terra en busca de mellores condicións de vida.
Daquela, se hai galegos en todas partes, en todas partes está o galego, ou non? É certo que os galegos cando emigraron levaron canda si a súa lingua e en moitos casos esforzáronse por llela transmitir aos seus fillos e fillas alá onde estiveron, por iso podemos atopar comunidades falantes de galego na meirande parte dos países americanos, ou en Suíza, Alemaña, Francia, Cataluña...
Mais, deixando a un lado estas comunidades de falantes causadas pola emigración, tamén dentro das Península Ibérica podemos atopar lugares onde se fala o galego máis alá das fronteiras de Galicia, son os seguintes:
Con todo, é certo que o número maior de falantes do galego está en Galicia.
Ás veces podemos ter a impresión de que somos un territorio pequeno e que, polo tanto, a nosa lingua é pouco importante, mais non é así, fíxate nestes datos, se cadra fanche reflexionar...
No seguinte mapa podes ver os lugares no mundo onde hai Centros de Estudos Galegos (pasa o cursor sobre os nomes dos países para saberes onde están):
Ademais , temos que ter en conta que o galego é unha lingua moi próxima ao portugués e que grazas a iso podemos comunicarnos con cidadáns que se expresan habitualmente en lingua portuguesa en lugares tan afastados de Galicia como Brasil, Angola, Cabo Verde, Guinea-Bissau, Santo Tomé, Mozambique, Macau (China), Timor-Leste (Australia)...