Nunca chove a xeito de todos: O que é bo para algúns non é tan bo para outras persoas.

Á fresquiña: Ao atardecer.

Cando as ras críen pelo/ Cando os paxaros preñen: Nunca

Deitarse canda as galiñas: Deitarse cedo.

En sazón: No momento adecuado.

Estar de días: Ser o aniversario.

Marchar Lourenzo: Poñerse o sol.

Non é sen tempo!: Tardar moito en facer algo.

Ser do tempo de alguén / Ser dun tempo: Ter a mesma idade.

A casa de teu irmán, non vaias cada serán/ Á casa da túa tía non vaias cada día: Non abuses.

Nos meses sen erre, nin peixe nin leite: Nos meses de primavera e verán (non levan erre no nome) non están en sazón eses alimentos.

A fume de biqueira / A fume de carozo: Rapidamente.

Estar de bo ano: Estar gordecho/a.

Faltarlle unha primavera a alguén: Non ser moi espelido/a.

A boas horas!: Xa é tarde.

Bótalle un can!: Xa pasou moito tempo!