Nunca chove a xeito de todos: O que é bo para algúns non é tan bo para outras persoas.
Nunca choveu que non escampara: As cousas malas nunca duran para sempre.
Abrir o tempo: Clarexar, deixar de chover.
Cerrar a chover: Quedar o día enteiro de chuvia.
Chover a caldeiros / a mares / a cachón / a fío/ a regos: Chover moito.
Dar dente con dente: Ter moito frío.
Ano de nevadas, ano de fornadas: Nos anos nos que neva hai boas colleitas..
Arco da vella ao anoitecer, bo tempo ao amencer: Se sae o arco da vella á noitiña, adoita mellorar o tempo.
Arco da vella ao poñente, amarra a lancha e vente: A saída do arco da vella polo oeste anuncia moi mal tempo.
Aurora roiba, ou vento ou choiva / Sol que moito madruga, pouco dura: O ceo encarnado pola mañá implica mal tempo.
Roibéns de sol posto, é sina de tempo enxoito: O ceo encarnado pola noite anuncia bo tempo.
Segundo o vento, rólase a vela: Hai que adaptarse ás circunstancias.