Non meter as mans entre curmáns e irmáns: Os de fóra non se deben meter nos asuntos familiares.
Alá vaias, casada, onde non atopes sogra nin cuñada: As sogras e cuñadas sempre se han levar mal coa muller casada.
A nai do año // O pai do merlo: A clave do asunto.
Cóntallo a túa avoa: Esa historia non a creo.
Ser cuspidiño a seu pai/nai: Imitar moito a...
Ti de quen vés sendo?: Quen é a túa familia?
Para quen non quere ten meu pai moito: Peor para ti.
Saír o pau á racha: Imitar o pai.
Vaslle ensinar ti a facer fillos a teu pai!: Non presumas diante de quen sabe máis.
Dígocho filla; enténdemo nora: É unha indirecta
Acórdate sogra de que fuches nora: Non abuses
Á madrasta o nome lle abasta: As madrastas non son boas
Amor de nai, outro mellor non o hai: As nais dan todo polos seus fillos