O fillo do mar
Morreume a vella da casa
e deixoume un ghran caudal,
vendín montes, vendín leiras
acabouse o comer mal.
Puxen tetas, merquei trapos
lighín cun da capital,
conduso un descapotable
e paghei todo na man.
Pasaron un par de anos
de vivir a todo tren,
un día chegha un fulano
co avoghado e cun papel.
Era o fillo de María
que quería o seu pastel.
Aghora non teño cartos
non sei que lle vou faser.
Mecagho no demo da vella
aghora como vou paghar,
quen sabía que de solteira
tivera un fillo do mar!
Quitoume a casa, quitoume o coche
Quitoume as tetas e algo máis.
Aghora non teño nada
só me queda traballar.
Mecagho no demo da vella
aghora como vou paghar,
quen sabía que de solteira
tivera un fillo do mar!
Morreume a vella da casa
e deixoume un ghran caudal,
vendín montes, vendín leiras
acabouse o comer mal.
Pasaron un par de anos
de vivir a todo tren,
un día chegha un fulano
co avoghado e cun papel.
Era o fillo de María
que quería o seu pastel.
Aghora non teño cartos
non sei que lle vou faser.
E agora, falamos?
Narracións musicais
Nas letras das cancións caben moitos tipos de historias, pero a grandes trazos dous son os
eixos arredor dos que xiran todas as cancións: a temática amorosa e a temática social. En
concreto, a canción que acabamos de escoitar é unha historia de humor na que se fai chufa
dunha situación persoal e ao mesmo tempo un algo de crítica social sobre a conduta de
determinado tipo de persoas.
Propoñémosche que sigas buscando historias nas letras das cancións cantadas en galego
para que entre toda a clase poidades facer un recompilatorio das historias máis bonitas.
Farédelo así:
- Formade grupos de tres ou catro e buscade catro cancións que vos guste nas que
se conte unha historia (ollo, é importante que sexan narracións!). Logo facede unha
pequena ficha de cada unha delas: título, intérprete, autor/a, tipoloxía temática
(amoroso/social) e resumo da historia.
- Cada grupo deberá presentar ao resto da clase as cancións que escolleu.
- Despois de que cada grupo faga a súa presentación escollerase entre todos e todas
as dúas cancións que máis gustan.
- Repetirase o proceso ata que xa teñades a vosa selección final “o mellor da música
en galego” segundo a vosa clase.
Seguro que vos parece que hai poucos grupos e intérpretes que canten en galego pero
non é así, o que pasa é que hai moitísimos que non coñecedes pero é cuestión de buscar,
se cadra o/a profesor/a de música poden botarvos unha man, de todos os xeitos podes
comezar por esta canle https://www.youtube.com/user/GZmusica. Sorprenderédesvos!!!