Penúltimas Tendencias

Le este poema do libro Penúltimas tendencias, de Carlos Negro, e logo responde as cuestións de comprensión da lectura.


Princesa (contra) Disney

Cuspo os chícharos
agochados no colchón
como se fosen balas.
Arrinco o vestido de seda.
Íspome e pego un berro
que escacha as porcelanas.
O cabelo longo semella atadura.
(As tesoiras fanme menos escrava).
Fuxo da torre.
Da mazá envelenada
da obediencia.
Fendo os ferrollos.
Pelo curto,
lingua solta.
Respiro fondo,
corro descalza.
Comezo a alancar
cara a esa gándara
máis alá dos espellos.
(Vaime volvendo a voz
Que perdín en palacio).

Portada de Penúltimas Tendencias - Carlos Negro - Ed. Xerais