Antes de empezar, recorda que hai diferentes tipos de descrición e que o teu enfoque dependerá de cal sexa o obxectivo que teñas, aínda que sempre debes conseguir que o público sexa quen de imaxinar o que ti ves sen eles téreno diante. Daquela, faremos as preguntas habituais:
Que vas describir
Xa sabemos que vai ser unha paisaxe, pero:
Fíxate no seguinte texto:
Unidade Paisaxística das Chairas e Vales Interiores
Esta unidade engloba un mosaico de chairas e vales fluviais, na que se suceden grandes espazos horizontais constituídos por unha combinación máis ou menos complexa de amplos vales, superficies aplanadas e depresións sedimentarias, con outros máis angostos, representados por unha paisaxe de vales encaixados. A nivel rexional a estruturación paisaxística así establecida relacionaríase coas tres grandes cuncas hidrográficas do cuadrante noroccidental ibérico (Miño, Limia e Támega).
Os hábitats de interese comunitario en Galicia. Descrición e valoración territorial. Varios autores, editado por USC.
Agora le estoutro texto:
A aldea é unha mestura de lama e fume, onde os cans ouvean e a xente morre “cando está de Deus”, como di a madriña. Os rapaces somos tristes. Enredamos, corremos tras dos foguetes e ata rimos, pero somos tristes. Temos a pobreza e os trafegos da terra aniñados nos ollos”.
Memorias dun neno labrego, Xosé Neira Vilas
Aquí temos outra descrición literaria:
A información está seleccionada de acordo cunha finalidade:
Cada lugar descríbese de forma consecutiva, é dicir, segundo van avanzando no espazo os personaxes.
Uso de substantivos do campo semántico da paisaxe (natural, rural e urbana).
Abundante adxectivación e frases adxectivas e preposicionais.
Verbos en presente ou copretérito.
Emprego de adverbios de lugar para precisar máis.
Correcto uso dos conectadores para avanzar na información.
Fíxate na puntuación.
A actividade consiste en describirdes a metade dunha fotografía para que os vosos compañeiros/as, a partir da descrición, identifiquen a outra metade.
1: Hai que escoller unha das metades que se ofrecen e facer mentalmente unha pequena descrición en 5 minutos (pero que sexa o máis exhaustiva posible).
2: Logo, cada un/unha de vós fai en voz alta a súa descrición diante dos compañeiros/as, e estes deben identificala vendo só a segunda metade. Cando se identifique a imaxe que se está a describir, hai que facer clic nela e agardar a que a persoa que describe dea a solución.