Os morcegos saen a comer de noite e dormen durante o día. Non constrúen casas, senón que descansan en árbores, covas, celeiros e mesmo en tellados. Os morcegos da froita viven en grandes grupos chamados colonias e cólganse cabeza abaixo nas pólas altas das árbores durante o día, suxeitándose coas gadoupas das súas patas. Poden envolverse coas súas ás para se protexer. Milleiros de morcegos dormen amoreados en amplas covas, colgados cabeza abaixo. Ao chegar a noite, algúns cazan insectos, outros, coma os raposos voadores, comen froita e néctar de flores.